قصيدة أكياس العيش للشاعر محمد حلاوة

قال ايه ياناس
العيش بقى في اكياس
ولا فيه فقير
ولا محتاج ولا محتاس
حلينا كل المشاكل
حتى همومنا كمان خلاص
ما هو العيش بقى في اكياس
الزيت غلي والسكر كمان
والدقيق بعد الشوال
بقى في برطمان
ولا يهمك فرفش يا مان
ولو الهدوم غالية
مش مهم ابات عريان
لكن المهم المام يا ناس
واهو العيش بقى في اكياس
نقلوا الموقف وقالوا نمشي
قال ايه رياضة ما يحكمشي
مش شايفين الناس الغرب
ولا احنا خلاص ما بنتعلمشي
ولو قلت حاجة
يقولوا قوام ما تتكلمشي
هي خلاص الراس بالراس
ما عملنالك العيش في اكياس
طيب قوللي يا سيدي البيه
ليه التمانية بنص جنيه
هي اتاوة ولا ضرايب
ولا الكيس ده يسواله ايه
ما توزعوا بقى ع الكارنيه
ولا اعملوا كمان ابونيه
تخصم منى الرغيفين ليه
حد يرد عليا يا ناس
هو صحيح العيش في اكياس